ខ្ញុំធ្លាប់បង្រៀនអំពី សុវត្ថិភាពចំណីអាហារ HACCP, GMP, ISO, GAP, 5S & Kaizen និង ស្តង់ដារមួយចំនួនទៀត។ សូមបង្ហាញបងប្អូននូវបាក់តេរីមួយប្រភេទ ដូចក្នុងរូបខាងក្រោម ឈ្មោះ សាមូណេឡា Salmonella

វាត្រូវបានគេរកឃើញជាទូទៅនៅក្នុងសាច់ឆៅ ស៊ុត ផ្លែឈើ និងបន្លែ ដែលមិនទាន់លាងសម្អាត។ រោគសញ្ញានៃការឆ្លងSalmonella រួមមាន រាគ គ្រុនក្តៅ និងរមួលក្រពើ។ វាមានសារៈសំខាន់ណាស់ក្នុងការគ្រប់គ្រង និងចម្អិនអាហារឱ្យបានត្រឹមត្រូវ ដើម្បីការពារគ្រួសារលោកអ្នកពី Salmonella។

Salmonella លូតលាស់លឿន នៅសីតុណ្ហភាពចន្លេាះពី ៤-៦០ អង្សារសេ (នៅក្នុងលក្ខខណ្ឌផ្សេងទៀតរួមផ្សំដូចជា ខ្យល់់ ទឹក/សំណើម និងអាហារ) នៅក្នុងលក្ខខណ្ឌនេះ Salmonella លូតលាស់ ដោយការបំបែកខ្លួនម្តងជាពីរ ហើយពីរបំបែកទៅជាបួន បន្តបន្ទាប់ទៀត។

បច្ចេកទេសក្នុងការរក្សាទុក ឬវេចខ្ចប់ម្ហូបអាហារអោយបានយូរ និងចៀសផុតពីការចម្លង បាក់តេរី សាមូណេឡាគឺ

1) រក្សាទុកនៅក្នុងទូទឹកក ក្រោម ៤អង្សារសេ

2) ប្រើវិធីសម្ងួត ឬជ្រក់ ប្រឡាក់ជាដើម

3) ធ្វើអោយ pH ទាបជាង 4.0

4) ច្រកកែវ ឬកំប៉ុង ដកខ្យល់ និងបិទជិតគ្មានខ្យល់ចេញចូល

5) Pasteurized សម្លាប់មេរោគ

បញ្ជាក់: វិធីសាស្ត្រនីមួយៗ យើងអនុវត្តទៅតាមប្រភេទម្ហូបអាហារ ខុសៗគ្នា អាស្រ័យលើអ្នកចង់កែច្នៃ។ ឧទាហរណ៍ បើអ្នកកែច្នៃជាភេសជ្ជ: អ្នកត្រូវផ្តោតលើកម្រឹត pH ជាដើម។